كيف أختار لوحة التحكم المناسبة لمشروعي ؟

في هذا المقال نتناول موضوع مهم جدا بالنسبة للناس اللي تواجه مشاكل في اختيار لوحة التحكم المايكروكنترولر أو الاردوينو المناسب للمشروع نتاعهم !
أي تطبيق يحتاج متحكم دقيق أو ميكروكنترولرر قوي لكن في بعضها تتطلب مواصفات خاصة قد تكون لها وظيفة حساسة في المشروع نتاعك.. المهم المنشور هدا يعطييك فكرة مبدئية عن الكلام هذا..

كيما كلنا عارفين أنو المايكروكنترولر مثال لي حاجة اسمها نظام مدمج Embedded System وهدا اختصار عبارة عن كمبيوتر مصغر مزود بكل ملحقاتو من ذاكرة تخزين ورام بالإضافة لي جميع وسائط الاتصال اللي تسمح لها بالاتصال بالعالم الخارجي او الأجهزة الالكترونية الأخرى..
في التفكير في اختيار متحكم معين كيما كأنك مثلا راح تجيب كمبيوتر جديد انت راح تكون محتاج إلى حاجات معينة فيه مثلا لو يخدم على برامج كبيرة تحتاج رام كبيرة وهكذا…
ففي هدا منشور نتكلم عن بعض الحاجات المفروض تعرفها قبل ما تشتري المتحكم الدقيق أو الأردوينو المناسب للمشروع نتاعك…
🔹1⃣ واحدة من اهم الحاجات هي كمية المخرجات والمدخلات اللي انت محتاجها فلازم قبل ما تبدا تحدد كمية المنافذ Pins المحتاجها كل موديول موصلة بالاردوينو او المايكروكونترولر.

🔹2⃣ الحاجة التانية تتعلق بوسائط الاتصال وهادي تتعلق بتوصيل الحساسات والموديولات اللي تخدم ببرتكولات خاصة مثل I2C و SPI أو UART
لازم تتأكد ان المتحكم اللي راح تستخدمها عندها كل الموارد المحتاج لها من وسائل الاتصال المختلفة
🔹3⃣ بالنسبة للناس الي يخدمو مشاريع نتاع روبوتات وخاصة لمن تكون داير توصيل كمية من محركات السيرفو والموتورات لازم تتأكد من عدد منافذ ال PWM لانها تكون محدودة في المتحكمات ، وأيضا منافذ ال ADC مهمة للناس اللي تركب حساسات كتيرة.
🔹4⃣ حجم الرام وذاكرة البرنامج اللي من الحاجات المهمة المفروض تأخدها بعين الاعتبار لو كان عندك مشروع كبير ومراحش تقدر تعرف لما تكتب الكود، علاه الكومبايلر او برنامج الاردوينو يعطيك ERROR !
🔹5⃣ سرعة المايكروكنترولر واحدة من الحاجات اللي تفرق لما تعالج كمية كبيرة من البيانات او ببساطة دير استجابة سريعة جدا، وعادة متطلبات كيما هادي تكون في المشاريع المتقدمة شوية كيما مشاريع التحكم والربوتات اللي تحتاج إلى استجابة لأوامر معينة في وقت زمني ضيق جدا، وهنا نحن نتكلم عن ازمنة في حدود المللي ثانية والنانو ثانية، لكن في معظم التطبيقات حتى الاردوينو نانو يكفي بالغرض بصورة جيدة
🔹6⃣ الحاجة الأخيرة هو خطأ الي يقع فيه المبتدئين دائما وهي أن الاردوينو مثلا ما ممكن يتوصل بأي شيء ودائما المنافذ نتاعو متعطيكش تيار كبير فدائما الناس تنتبه لي الحاجة هادي لو عندك مثلا موتور ولا حاجة تسحب تيار كبير لازم يكون فيه وسيط بين الاردوينو والحاجة هادي.. لازم تنتبه للفرق في الفولط الشغيل، فيه موديولات تقبل إشارات تحكم 3.3 فولت هادي ابدا ما توصلها مع اردوينو (لأن إشارات التحكم نتاعو هي 5 فولت) لأنو تشغلها شوية تحرق والعكس صحيح.